Garðyrkja ehf  var stofnuð árið 1999 og byggir á grunni og reynslu Steinþórs Einarssonar skrúðgarðyrkjumeistara.

Steinþór á að baki langan feril í skrúðgarðyrkju, var á árunum 1978-1983 Garðyrkjustjóri Hafnarfjarðarbæjar.

Hann rak síðan um langt árabil garðyrkjufyrirtækið Skrúðgarðaþjónustuna sem sjálfstætt starfandi verktaki.

Starfsmenn Garðyrkju ehf  hafa standsett fjölda einkagarða, leikskóla, skólalóða og eiga heiðurinn af framúrskarandi góðu handbragði í hellulögn og hleðslu við Stafkirkjuna á Skansinum og við ráðhúsið í Vestmannaeyjum.  

Á undanförnum mánuðum hefur Garðyrkja ehf  aukið við starfsemi sína.  Jafnframt því að vera garðverktaki hefur innflutningur á vörum sem tengjast umhverfinu og faginu verið vaxandi þáttur í rekstri fyrirtækisins.  Fyrirsjáanlegt er að sú starfsemi mun aukast á komandi misserum og árum.   

Ráðgjöf til garðeigenda og fyrirtækja ásamt með umhirðu og viðhaldsverkefnum er þjónusta sem Garðyrkja ehf  tekur fúslega að sér sé eftir því leitað.